Podujevë: E rrah gruan në prezencë të punëtorëve të Qendrës për Punë
![LDK’ja i kundërpërgjigjet PDK’së për bateritë e prishura](https://podujevapress.net/wp-content/uploads/2017/05/ldk_1495391479-7630814.jpg)
LDK’ja i kundërpërgjigjet PDK’së për bateritë e prishura
Lidhja Demokratike e Kosovës ka reaguar pas publikimit të një videospoti në rrjetet sociale nga Partia Demokratike të Kosovës, ku thumbohet ajo dhe Lëvizja Vetëvendosje.
Videospoti e paraqet LDK’në si parti të plakur dhe pa vullnet, ndërsa Lëvizjen Vetëvendosje si subjekt me ide të rrezikshme për vendin.
Sipas PDK’së, LDK’ja e Isa Mustafës nuk lëviz asgjë përpara, sepse i ka bateritë e prishura.
Por, LDK, nëpërmjet një reagimi, i është kundërpërgjigjur PDK’së, duke thënë se “kujt i janë mbaruar bateritë, ka treguar më së miri, ‘tërheqja taktike’ prej qeverisë dhe dorëzimi i ‘Fillimit të ri’ mesnatën e frikës prej humbjes përfundimtare të pushtetit”.
Ky është reagimi i plotë i LDK’së:
Një spot televiziv, si duket i përgatitur përpara lidhjes së koalicionit të mesnatës me paratë e taksapaguesve kosovarë, është shpërndarë sot nëpërmjet mediave sociale.
Kujt i janë mbaruar bateritë, ka treguar më së miri, “tërheqja taktike” prej qeverisë dhe dorëzimi i “Fillimit të ri” mesnatën e frikës prej humbjes përfundimtare të pushtetit.
“Bateritë e reja” të tyre kanë prodhuar lakmi të pafund për zhvatje të pasurisë, që është provuar me skandale keqpërdorimi si ai i PTK-së apo tenderi i pasaportave.
Qytetarët e Kosovës do të thonë fjalën e tyre më 11 qershor.