Latif Gashi dhe Bajram Zejnullahu shpërndanë dhurata për fëmijët e familjeve të dëshmorëve të UÇK-së

Në prag të festës së Vitit të Ri, Latif Gashi dhe Bajram Zejnullahu për fëmijët e  Familjeve të Dëshmorëve të Ushtrisë Çlirimtare të Kosovës në Podujevë, shpërndanë 500 dhurata të cilat i dhuroi afaristi i suksesshëm nga Podujeva Basri Statofci, i cili ka në pronësi biznesin NTSH “Bast Trade”.

Ndërsa, Shoqata e Familjeve të Dëshmorëve të Ushtrisë Çlirimtare të Kosovës në Podujevë, në shenjë mirënjohje ndau Falënderim për afaristin Basri Statofci,  Për  Kontributin e Dhënë  Familjeve të Dëshmorëve të Ushtrisë Çlirimtare të Kosovës, mirënjohje të cilën simbolikisht e dorëzoi kryetari i shoqatës Xhemshit Gashi.

Po ashtu afaristin përzemërsisht e falënderuan edhe ish deputeti Latif Gashi dhe Bajram Zejnullahu, të cilët u shprehën mirënjohës për afaristin Basri Statofci që këtë gjest human e ka shndërruar në praktik që për çdo festë t’i gëzoi këto kategori të veçanta të luftës. /PodujevaPRESS/

Artikulli paraprakA e dini si kanë mbetur këpucët me taka (Foto)
Artikulli tjetërPolicia e Podujevës në aksion për t’i liruar trotuaret (Foto)