Largimet nga listat e partisë, greva, Kodi Civil. A kanë filluar deputetët llapjan të Lëvizjes Vetëvendosje të dalin kundër Albin Kurtit?!

Deputeti i Lëvizjes Vetëvendosje Fatmir Humolli do ta votojë projektligjin për Trustin.

Kështu ka bërë të ditur vet Humolli.

Ai ka thënë se më mirë është që mjetet e Trustit të merren nga qytetarët e vendit, se sa nga kompanitë ndërkombëtare.

Deputeti llapjan i VV-së i del kundër partisë, thotë se do ta votojë Trustin

“Trustin nëse vjen do e votoj. Më mirë është me i marrë mjetet qytetarët tonë se sa kompanitë ndërkombëtare”, ka thënë Humolli, për Front Online. Ani pse partia e tij ka dal kundër Trustit.

Por nuk është vetëm Fatmir Humolli. Publikisht kundër qëndrimeve të qeverisë dhe shefit të saj, Albin Kurtit, ka dal edhe një deputet tjetër i Lëvizjes Vetëvendosje. Eman Rrahmani është shprehur se një pjesë të fajit për grevën që po vazhdon në arsim e ka ekzekutivi.

Në një paraqitje publike në Transmetuesin Publik të enjten, Rrahmani është shprehur në kundërshtim me linjën e qeverisë dhe partisë së tij pothuajse në secilin prej temave.

Pas Fatmir Humollit edhe Eman Rrahmani i VV-së del kundër Kurtit, kritikon qeverinë për grevën

Për grevën dhe SBASHK-un, ai ka përdorur një diskurs krejt të ndryshëm me atë të qeverisë. Ka thënë se të dyja palët janë përgjegjëse për mosfillimin e procesit mësimor.

Madje, deputeti llapjan ka vlerësuar se SBASHK-u është organizatë legjitime, me udhëheqës të zgjedhur në mënyrë demokratike nga anëtarësia. Një vlerësim ky krejt i kundërt me atë të kryeministrit Albin Kurti, i cili i ka theksuar disa herë pretendimet e tij se greva dhe SBASHK-u janë kthyer “në një armë kundër tij”.

Por a kanë filluar që deputetët nga Podujeva mos të pajtohen me liderin e tyre Albin Kurti. Veprimet e tyre po tregojnë se po.

Burimet e PodujevaPRESS kanë treguar se paknaqësitë më të mëdha kanë të bëjnë me zgjedhjet e brendshme se si janë sjell kryesia e VV-së në krye me Albin Kuritin konkretisht me degën e Podujevës dhe Prishtinës ku edhe kanë bazat e elektoriatit këta deputet. Largimi i kandidatëve nga listat ka bërë që të shpërthejnë pakanësitë.

E një arsye tjetër shumë e madhe janë premtimet boshe të kryeministrit Kurti lidhur me magjistralen Podujevë-Prishtinë për të cilën vet Kurti kishte thënë vitin e kaluar se në fundin e 2022-tës rruga do të përfundojë.

Rruga Podujevë-Prishtinë në mëshirë të fatit, Qeveria Kurti hesht

Por në fakt punimet janë ndërprerë dhe asnjë milimetër rrugë në këtë magjistrale nuk është vazhduar.

Kujtojmë se Lëvizja Vetëvendosje kishte fituar pa balotazh në Podujevë në zgjedhjet e jashtëzakonshme për kryetar komune me Shpejtim Bulliqin, kurse në zgjedhjet parlamentare për here të pare një subjet kishe marr 26 mijë vota të cilat llapjanët ja kishin besuar Albin Kurtit edhe pse vet nuk ishte në listën zgjedhore.

Se si do të sillen deputetët llapjan nga Lëvizja Vetëvendosje mbetet për tu parë edhe lidhur me Ligjin për Kodin Civil ku dy deputet që vijnë nga Podujeva kanë paralajmëruar votën kundër.

Kodi Civil, i hapet rrugë martesave mes gjinisë së njëjtë në Kosovë