Lajm i keq për Podujevën nga KUR “Prishtina”

Kompania rajonale e Ujësjellsit Prishtina ka njoftuar se Podujeva do të përballet me reduktime duke filluar nga data 16 korrik, transmeton PodujevaPRESS.net

Ky është njoftimi:

Njoftim për komunën e Podujevës

Meqenëse kemi rritje enorme të kërkesave për ujë të pijshëm dhe duke pasë parasysh gjendjen e vështirësuar në disa zona të komunës së Podujevës, duke filluar nga pasnesër më 16 korrik , e diel jemi të detyruar të aplikojmë reduktime të furnizimit me ujë të pijshëm. Reduktimet do të aplikohen për t’iu ofruar furnizim edhe zonave të cilat, nga keqpërdorimi që po bëhet në disa pjesë, e kanë të pamundur të marrin mjaftueshëm ujë.

1) Gypat e kyçur në gypin furnizues Gizë fi 300, që furnizon rezervuarët e qytetit të Podujevës ( te Pishat): ● Gypi OD-150 mm për rrugën ” Shakadin Behrami ” deri te rruga” Fitorja”, ● Gypi fi 110 mm që furnizon fshatrat Shtedim, Livadicë, Merdar dhe pikën kufitare në Merdar, ● Gypi fi 90 mm që furnizon fshatin Ballovc.

Këto zona do të jenë me reduktim të ujit nga ora 20:00- 08:00.

2) Pjesa jugore e qytetit të Podujevës që përfshinë rrugën” Zahir Pajaziti” nga udhëkryqi me rrugën ” Bedri Bajrami” deri te rrethi me Shqiponjë, rruga ” Skënderbeu” rrethqarkullimi me rrugën” 28 Nëntori” , reduktohen nga ora 08:00-15:00.