Lajm i keq për azil kërkuesit në Austri

0

Austria do të kërkojë që të mos pranojë më shumë azil kërkues në bazë të sistemit të BE-së për zhvendosje, duke argumentuar se tashmë ka pranuar mjaft të tillë në hisen e saj të ndarë gjatë krizës me emigrantë në Evropë.

“Ne besojmë se është e nevojshme që Austria të përjashtohet sepse tashmë e ka përmbushur obligimin. Do ta diskutojmë këtë me Komisionin Evropian,” ka thënë kancelari Chsristian Kern, pas një takimi javor të kabinetit austriak, transmeton Express.

“Do t’ia dërgojmë një letër sa më shpjet që është e mundur dhe pastaj do të fillojmë diskutimet,” ka thënë ai.

Këto komente janë një goditje e rëndë ndaj sistemit të zhvendosjes në bazë të cilës mbulohet vetëm një pjesë e emigrantëve që mbërrijnë në Bashkim Evropian, dhe e cila mezi është zbatuar për shkak të kundërshtimit nga vendet e Evropës lindore, përfshirë nga Polonia dhe Hungaria./Express/