Ky është drejtori i ri i Drejtorisë së Planifikimit Urban dhe Mbrojtje e Mjedisit në Podujevë

Kryetari i Komunës së Podujevës, Shpejtim Bulliqi, ka mbajtur të hënën një konferencë për media, ku ka prezantuar përbërjen e kabinetit qeverisës.

Kryetari i Komunës së Podujevës, Shpejtim Bulliqi, në konferencën për media ku ka prezantuar përbërjen e re të ekzekutivit të komunës, ka thënë se në kabinetin qeverisës ka përzgjedhur kuadro të reja dhe profesionistë të fushave të ndryshme.

Me këtë rast kryetari Bulliqi u zotua se bashkë me ekipin qeverisës do të angazhohen shumë dhe me ndërgjegje të pastër, që të punojnë në interes të të gjithë qytetarëve pa dallim.

“Unë si Kryetar Komune dhe kabineti im do t’i kryejmë detyrat dhe përgjegjësitë me dije, me nder dhe me përgjegjësi të lartë morale e profesionale.  Do të jemi qeverisje që shërben dhe punon pa ndalur e kokë ulur për nevojat dhe interesat e qytetarëve. Pikë synimi ynë është të kthejmë besimin e qytetarëve në Institucionin e Komunës”, tha kryetari Bulliqi.

Më tej kryetari Bulliqi tha se në kabinetin qeverisës ka kuadro të reja e shumë profesionale, që e kanë dëshmuar vetën para çdo sfide.

“Ashtu siç jam zotuar në fushatën zgjedhore se gratë dhe të rinjtë do ta kenë hapësirën e nevojshme për ta dëshmuar vetën në ekzekutiv, ashtu edhe kam vepruar”, tha kryetari Bulliqi.

Përbërja e ekzekutivit të Komunës e ka edhe një ekspert të fushës së Urbanizmit.

Drejtor i Drejtorisë së Planifikimit Urban dhe Mbrojtje e Mjedisit – Bujar Hasani, master i Arkitekturës në Universitetin e Prishtinës. Ka punuar për kohë të gjatë në shumë projekte të rëndësishme e së fundi në projektin Euro Tex.

Bujari sipas informative që kemi ka një përvojë të gjatë pune, si në Kosovë por edhe jashtë Kosovës. Duke e ditur se kjo drejtori deri më sot është marr vetëm me asfallt duke degraduar qytetin e Podujevës, shpresojmë se ardhja e një profesionisti si Bujari do të bëjë që qyteti të jetë një qytet modern dhe i bukur.