Gjatë seancës së djeshme të Kuvendit të Komunës së Podujevës, me shumicë votash kaluan dy propozime të rëndësishme të propozuara nga DKRS, thuhet në një njoftim të drejtorit Pajtim Balaj, transmeton PodujevaPRESS.net
Drejtori Balaja ka thënë se “U miratua propozim-vendimi për caktimin e lokacionit të ri për ndërtimin e Palestrës së Sporteve. Lokacioni i ri prapa Parkut të Manchesterit.
U miratua propozim-vendimi për ndryshimin e lokacionit për ndërtimin e Qendrës Multifunksionale. Lokacioni i ri në parcelën ku aktualisht gjendet Tregu i Gjelbër”.
Ai ka falënderuar kuvendarët siç ka thënë ai për gatishmërinë e tyre për t’i mbështetur këto projekte jetike për Komunën e Podujevës.
