Kuvendi Komunal i Podujevës mbajti mbledhjen e fundit për vitin 2016

Kuvendi Komunal i Podujevës sot më datë 28 dhjetor mbajti mbledhjen e rregullt e cila njëherit ishte edhe e fundit për vitin 2016.

Në këtë mbledhje ishin paraparë 8 pika të rendit të ditës, ku janë për tu veçuar katër pika si më të rëndësishme prej tyre: Plani i Integritet të komunës së Podujevës, Plani lokal për Menaxhimin e Mbeturinave dhe  Propozimi i Statutit të Teatrit të Qytetit “Avdush Hasani” dhe Propozimi i Rregullores për procedurat e themelimit dhe funksionimit të Këshillit të Veprimit Rinor Lokal në Komunën e Podujevës -Raporti për zbatimin e diskutimit publik.

Po ashtu në seancë u vendos që të dalin në diskutim publik këto dokumente strategjike, për të cilat qytetarët do të njoftohen me kohë, njëkohësisht kanë mundësinë të dhënë edhe propozimet tyre.

• Propozimi i Rregullores për taksa, tarifa dhe gjoba komunale – Vendimi për vënie në diskutim publik
• Propozimi i planit lokal për menaxhimin e mbeturinave në Komunën e Podujevës për periudhën 2017-2022 -Vendimi për vënie në diskutim publik. /PodujevaPRESS/

Portali PodujevaPRESS ju mbanë të informuar me kohë për zhvillimet e fundit në komunën e Podujevës.