Bulliqi i “gëzohet” votimit pro për propozim vendimin që i hap rrugë
Kuvendi i Komunës së Podujevës miratoi sot këto vendime
Kuvendi i Komunës të Podujevës, në mbledhjen e rregullt, të mbajtur sot, ka shqyrtuar Raportin e punës së Kuvendit për vitin 2018 dhe ka miratuar Planin e Punës për vitin 2019 si dhe ka miratuar disa vendime me interes, transmeton portali PodujevaPRESS.com
Kuvendi i Komunës së Podujevës, ka mbajtur mbledhjen e rregullt, të cilën e udhëhoqi kryesuesi i Kuvendit, Fatmir Gashi, e ku ishte i pranishëm edhe nënkryetari i Komunës, Nexhmi Rudari dhe drejtorët e drejtorive. Por mungojë përsëri kryetari Veliu.
Në mbledhjen e sotme është shqyrtuar Raporti i punës së Kuvendit për vitin 2018. Lidhur me këtë pikë të rendit të ditës diskutuan shefi i Grupit të këshilltarëve te PDK-së, Rafet Llapashtica dhe këshilltari i Lëvizjes Vetëvendosje, Bajram Ajeti, të cilët bënë vërejtje lidhur me raportin, duke thënë se ai është i mangët.
Në mbledhjen e sotme, pas diskutimeve, u miratua lani i Punës së Kuvendit të Komunës për vitin 2019.
Kuvendi miratoi edhe vendimin për ndihmë financiare për Qendrën e Rehabilitimit Bazuar në Bashkësi “HANDIKOS” – Podujevë.
Në mbledhjen e sotme Kuvendi debatoi edhe për informatën e Drejtorisë së Arsimit për përfundimin e periudhës së parë të vitit shkollor 2018/2019.
Lidhur me këtë çështje, drejtori i Drejtorisë së Arsimit, Agim Blakçori, tha se periudha e parë e vitit shkollor 2018/19 është përmbyllur me sukses.
“Periudha e parë e vitit shkollor (shtator-dhjetor) e vitit shkollor ka përfunduar me sukses. Gjatë kësaj periudhe janë realizuar të gjitha punët e detyrat e planifikuara sipas dinamikës së paraparë, në katër nivelet e arsimit parauniversitar, por edhe punë e detyra të tjera gjatë këtij intervali kohor”, tha drejtori Blakçori.
Lidhur me informatën e Drejtorisë së Arsimit diskutuan shefi i Grupit të Këshilltarëve të LDK-së, Avni Fetahu, shefi i Grupit të Këshilltarëve të PDK-së, Rafet Llapashtica, Adelina Stublla (LVV), Bajram Ajeti (LVV), Avni Islami (OBKD), Doruntina Hasani (LVV) dhe Hasan Ajeti (LDK).
Kuvendi në mbledhjen e sotme miratoi edhe vendimin për lejimin e shitjes së kontejnerëve në Lagjen e Dëshmorëve në fshatin Balloc – të Podujevës si dhe; vendimin për ndarjen e laptopëve për këshilltarët komunalë.