Instrumentale shumë e bukur me titullin “Homazh”, në kujtim të atyre që
Kuvendi i komunës së Podujevës mbajti mbledhjen e rregullt
Kuvendi i Komunës të Podujevës, në mbledhjen e mbajtur sot miratoi Propozim planin e punës së Kuvendit të Komunës së Podujevës për vitin 2022, Propozim vendimi për miratimin e Listës së veçantë të pronave të paluajtshme të Komunës që planifikohen për dhënie në shfrytëzim gjatë vitit 2022, Propozim vendimi për ndarjen e mjeteve financiare Ndërmarrjes Publike – Kompania regjionale e Mbeturinave – KRM “Pastrimi” Sh.A si dhe vendime tjera.
Kuvendi i Komunës së Podujevës ka mbajtur mbledhjen e rregullt, të cilën e udhëhoqi kryesuesi, Hilmi Hoxha, e ku ishte i pranishëm edhe kryetari i Komunës, Shpejtim Bulliqi, nënkryetarja e Komunës, Marigona Lahu dhe drejtorët e drejtorive.
Në fillim të mbledhjes së kuvendit u bë betimi i 5 anëtarëve të ri në kuvendin komunal të cilët zëvëndësuan anëtarët të cilët kaluan në ekzekutiv nga Lëvizja Vetëvetndosje!. Anëtarët e rinj të cilët dhanë betimin në kuvend janë: Ardi Hasani, Haki Rudari, Ragip Fetahu, Bahri Blakçori, Xhevdet Maloku.
Me kërkesën e këshilltarit të Kuvendit Bashkim Syla (PDK) u largua nga rendi i ditës pika 16, Propozim vendim për pezullimin e dispozitave të nenit 5 paragrafët 1.3; 2.3 dhe 4.4, nenit 6 paragrafi 4, nenit 7 paragrafi 2, nenit 9 paragrafi 1.3, nenit 12 paragrafi 2, nenit 15 paragrafi 2.4, nenit 16 paragrafi 2.3, dhe nenit 17 paragrafi 2 të Rregullores nr.prot.01-311/05-0007450/20 për orarin e punës së bizneseve në territorin e Komunës së Podujevës të datës 31 janar 2020, propozim vendim i njëjtë me atë të vitit 2021, me të vetmin ndryshim që pezullimi i neneve të cekura të bëhet deri në nxjerrjen e Rregullores së re.
Propozim vendimi për miratimin e Listës së veçantë të pronave të paluajtshme të Komunës që planifikohen për dhënie në shfrytëzim gjatë vitit 2022 u prezantua nga drejtoresha e drejtorisë Pronë, Kadastër dhe Gjeodezi, Bahrije Mehmeti, ku foli për rëndësinë dhe mundësinë e kësaj liste tek qytetarët të cilët dëshirojnë të shfrytëzojnë këto prona. Kjo pikë e rendit gjeti mbështetjen e këshilltarëve dhe u miratua.
Për pikën Propozim vendimi për ngritjen e komisionit komunal të aksionarëve të Ndërmarrjes Publike – Kompania Regjionale e Mbeturinave “Pastrimi” sh.a. për anëtarë të komisionit u propozuan Drita Pajaziti (LVV) dhe Mimoza Abdullahu (PDK) të cilat morën mbështetjen me 17 vota pro.
Ndërsa për Propozim vendimi për ngritjen e komisionit komunal të Aksionarëve të Ndërmarrjes Publike – Stacioni i Autobusëve Podujevë për anëtarë të komisionit u propozuan Endritë Murati dhe Artrit Mulliqi, të cilët morën mbështetje të mjaftushme nga anëtarët e kuvendit.
Me prezantimin e Propozim për themelimin dhe përbërjen e Komitetit për Komunitete, kryesuesi I kuvendit Hilmi Hoxha kërkoi nga anëtarët e Kuvendit të propozojnë tre emra për kompletimin e Komitetit për Komunitete ku gjithsej ka përbërje prej 7 anëtarësh, 4 nga komuniteti dhe 3 nga kuvendi komunal. Përbërja e re u votua nga kuvendi me këta anëtarë: Albina Avdiu, Muhamet Sejdiu, Xhafer Ademi, Shkurte Sejdiu, Qëndresa Hajrizi, Haki Rudari, Mimoza Abdullahu.
Drejtori i drejtorisë për Buxhet dhe Financa, Fatlum Osmani, prezantoi Propozim Rregullorja për kushtet kriteret dhe procedurat e ndarjes së subvencioneve, drejtori Osmani foli për qëllimin dhe fushëveprimin e kësaj rregullorje duke propozuar të vihet në diskutim publik për 30 ditë, të mbahet konsultimi publik me 22 mars. Pika në fjalë mori mbështetjen e këshilltarëve dhe u miratua për propozim vendimin për vënien në diskutim publik.
Drejtori i Drejtorisë së Arsimit, Avni Fetahu prezantoi Propozim Rregullorja për funksionimin e institucioneve edukative – arsimore të Komunës së Podujevës për vënie në diskutim publik me 15 mars në ora 11.
Propozim vendimi për caktimin e lokacionit për ndërtimin e objektit – Çerdhe publike në qytetin e Podujevës dhe Propozim vendimi për caktimin e lokacionit për ndërtimin e objektit – Çerdhe publike në fshatin Batllavë gjithashtu u miratuan me përkrahje të kuvendit.
Drejtori i Arsimit, Avni Fetahu gjithashtu prezantoi Propozim vendimi për ngritjen e komisionit për përzgjedhës për drejtorë dhe zëvendës drejtor të shkollave, ku për anëtarë propozoi Blerim Vllasën-zyrtar i lartë i Arsimit, Nazif Sheqa- kryetar i këshillit të prindërve si dhe anëtari tjetër një përfaqësues nga MASHT.
Drejtori i Drejtorisë së Bujqësisë, Pylltarisë dhe Zhvillimit Rural, Fatmir Rudari prezantoi Propozim vendimi për shpërndarjen e druve të zjarrit për familjet me gjendje të rëndë ekonomike, ku theksoi se kjo masë drusore është e konfiskuar nga sektori përkatës I drejtorisë në bashkëpunim me Policinë nga dëmtuesit e pyejeve. Kjo pikë mori mbështetjen e anëtareve dhe si e tillë u miratua.
Kryesuesi i Kuvendit Hilmi Hoxha prezantoi Propozim vendimi për përfaqësim të Komunës së Podujevës në Kuvendin e Asociacionit të Komunave të Republikës së Kosovës ku theksoi se duhet propozuar 4 anëtarë nga kuvendi për përfaqësim në AKK, ku bashkë me kryetarin e Komunës Shpejtim Bulliqi do të jenë 5 anëtarë. Anëtarët të cilët u propozuan janë: Ardi Hasani, Mrika Thaçi, Hilmi Hoxha, Xhevdet Maloku. Kjo pikë e rendit të ditës u miratua me mbështetje të anëtareve komunal.
Drejtoresha e drejtorisë për Pronë, Kadastër dhe Gjeodezi Bahrije Mehmeti gjithashtu prezantoi Propozim vendimi për ndryshimin dhe plotësimin e vendimi nr.prot.01-354/02-0087371/18 i miratuar në Kuvendin e Komunës së Podujevës më datë 02 nëntor 2018, ku theksoi “ që objekti, “Pushimorja për nxënës dhe fëmijë” të mbetur bonjak nga lufta e fundit në Kosovë, të ridestinohet objekt afarist (hotelier, shëndetsorë). Asyeja e këtij ndryshimi është hapja e mundësive më të mëdha për shfrytëzimin e objektit dhe hapësirës së cekur për qëllim të interest publik dhe zhvillimit në rajonin e Orllanit. Me 17 vota pro miratohet pika në fjalë.
Drejtori i drejtorisë për Buxhet dhe Financa Fatlum Osmani, prezantoi Propozim vendimi për ndarjen e mjeteve financiare Ndërmarrjes Publike – Kompania regjionale e Mbeturinave – KRM “Pastrimi” Sh.A.
Drejtori Osmani theksoi se kjo pikë është rrjedhë e një marrëveshje mirëkuptimi mes Komunës së Podujevës dhe KR “Pastrimi” Sh.A. ku komuna duhet ti kryjë përmbushjen e obligimeve financiare që janë 20 mijë euro në funksion të realizimit të projektit për ndërtimin e objektit për nevojat e Ndërmarrjes së cekur. Ky propozim u miratua nga kuvendi.
Propozim plani i punës së Kuvendit të Komunës së Podujevës për vitin 2022 gjithashtu e propozoi drejtori Osmani ku foli për qëllimin e kësaj rregullorje që përcakton fillim dhe mbarimin e orarit të punës për bizneset që operojnë në territorin e Komunës së Podujevës. Me mbështetje të anëtarëve të kuvendit komunal, me 17 vota pro miratohet rregullorja e punës.