Dështimi i referendumit në veri, SHBA: Kryetarët aktual mbesin në funksion
Kurti nuk shkon në seancë, radhën tjetër do të dërgohet atje me polici
Edhe këtë herë Albin Kurti nuk u paraqit në Gjykatë si i akuzuar. Për këtë arsye kryetari i trupit gjykues, Beqir Kalludra, ka vendosur ta shtyjë seancën për 22 nëntor.
Kalludra tha se në këtë datë Kurti e Donika Kadaj do të sillen në Gjykatë me polici.
Kurti nuk mori pjesë në seancë pavarësisht se në seancën e kaluar, kryetari i trupit gjykues, Beqir Kalludra, lëshoi urdhëresë për sjellje me detyrim të Kurtit e Kadaj-Bujupit.
Lëshimi i kësaj urdhërese erdhi si pasojë e mungesës së këtyre dy të akuzuarve, derisa dy të akuzuarit e tjerë, Albulena Haxhiu e Faton Topalli ishin të pranishëm.
Këta dy të fundit erdhën në seancë edhe këtë herë.
Derisa Albini dhe Donika Kadaj nuk u paraqitën fare.
Në seancë të ftuar në cilësinë e dëshmitarëve ishin deputetët e koalicionit PAN, Blerta Deliu, Flora Brovina e Bekim Haxhiu, njëkohësisht edhe të dëmtuar në këtë proces gjyqësor.
Prokuroria pretendon se Deliu, Brovina e Haxhiu, kanë pësuar lëndime të lehta trupore nga gazi lotsjellës i aktivizuar në Kuvend nga kolegët e Vetëvendosjes.
Deputetët e Vetëvendosjes akuzohen për hedhje të gazit lotsjellës, më 16 dhjetor të vitit 2015./Express/