Kujdes llapjan! Jeni nën vëzhgimin e kamerave! (FOTO)

Në qytetin e Podujevës, kanë përfunduar punimet për vendosjen e kamerave të sigurisë. Baza e këtyre kamerave do të jetë në Stacionin e Policisë në Podujevë. Projekti për vendosjen e kamerave të sigurisë është siguruar nga Komuna e Podujevës  dhe Stacioni i Policor në Podujevë, transmeton PodujevaPRESS.net

 

 

Përmes këtij projekti, është paraparë që të vendosen kamera në të gjitha pjesë të qendres së qyteti.

Lidhur me projektin e vendosjes së kamerave të sigurisë që realizohet në bashkëpunim edhe me Stacionin Policor të Kosovës, muaj më pare drejtori i Drejtorisë së Administratës, Gëzim Namani, kishte thënë se kanë përfunduar të gjitha procedurat e tenderimit dhe operatori i përzgjedhur ka filluar me vendosjen e kamerave të sigurisë në qytet.

Komuna e Podujevës kishte bërë shpalljen publike në muajin mars për tendrim të kamerave të sigurisë dhe vendosjen e tyre nëpër qytet.

Kjo nismë ishte marr në mandatin e kaluar nga asambleja komunale ndërsa tani siç duket më në fund po vihet në jetë ky projekt me rëndësi për sigurinë e qytetareve.

Komuna e Podujeves kishte bërë njoftimin për kontratë përmes KRPP-së, ndërsa vlera e saj ishte 100,000€ (njëqindëmijë) euro.

Dje me rastin e vizitës që i bëri Ministri i Punëve të Brendshme Agim Veliu, stacionit policorë në Podujevë u bë e ditur edhe se si po monitorohet qyteti përmes kamerave /PodujevaPRESS.net/