Kryetari i Komunës së Podujevës Shpejtim Bulliqi cakton terminet për pritjen e qytetarëve gjatë javës

Kryetari i Komunës së Podujevës, Shpejtim Bulliqi, ka rezervuar dy termine gjatë javës për pritjen e qytetarëve-palëve gjatë orarit të punës, thuhet në njoftimin për publikun, transmeton PodujevaPRESS.net

Në njoftim thuhet se Kryetari do t’i pres qytetarët-palët në kabinetin e tij çdo të enjte prej orës 13:00 deri në 15:00 dhe çdo të premte prej orës 09:00 deri në orën 12:00.

Qytetarët mund ta bëjnë rezervimin e terminit për takim përmes asistentes së Kryetarit të Komunës, në numrin e telefonit: 038/200-41020.