Kryetari Bulliqi dhe Drejtori i Urbanizmit Bujar Hasani dalin në teren, kërkojnë të vendosen pengesa në këtë rrugë |PAMJE

Kryetari Bulliqi dhe Drejtori i Urbanizmit Bujar Hasani sot gjatë ditës kanë vizituar Rrugën “Dëshmoret”, që shpie nga Podujeva në fshatin Dumnicë, ku si pasojë e vozitjes së shpejtë të automjeteve, po rrezikohet jeta e qytetarëve që banojnë pranë kësaj rruge, thuhet në një postim të bërë nga kryetari, njofton PodujevaPRESS.net

Në njoftim thuhet:

Sot, bashkë me drejtorin e Planifikimit Urban dhe Mbrojtje të Mjedisit, Bujari Hasani, vizituam Rrugën “Dëshmoret”, që shpie nga Podujeva në fshatin Dumnicë, ku si pasojë e vozitjes së shpejtë të automjeteve, po rrezikohet jeta e qytetarëve që banojnë pranë kësaj rruge.

Aty pashë nga afër dëmtimin e murit e oborrit të një shtëpie nga përplasja e një veture, si pasojë e shpejtësisë së madhe.

Me qëllim të ruajtjes së jetës dhe për sigurinë e qytetarëve tanë, në bashkëpunim me drejtorët e drejtorive përkatëse, vendosëm që menjëherë të vendosen pengesa në atë rrugë (të ashtuquajturit policë të shtrirë) dhe të fillojmë me procedurat për ndërtimin e trotuarit dhe ndriçimit publik përgjatë këtij segmenti rrugor.