Podujevë: I mituri kapet në flagrancë me armë zjarri, përfundon në Polici
Kryeministri Mustafa ia vazhdon mandatin ish- zëvendëskryeministrit të LDK-së! (DOKUMENT)
Kryeministri i vendit, Isa Mustafa edhe pse është në detyrë, ai vazhdon të marrë vendime të rëndësishme.
Në mbledhjen e fundit të qeverisë, të mbajtur më datë 21 korrik, Mustafa ka marrë vendim që ish- zëvendëskryeministrit të LDK-së, Ramë Manaj t’ia vazhdoj mandatin edhe për tre vjet në krye të Agjencisë Shtetrorë të Arkivave, raporton Gazeta Blic.
Në këtë vendim, thuhet se Manaj i kryen detyrat dhe përgjegjësitë në bazë të legjislacionit në fuqi.
Qeveria në detyrë, e drejtuar nga kreu i LDK-së, Isa Mustafa të cilit iu morë besimi nga Kuvendi, vazhdon të marrë vendime të rëndësishme, sidomos në vazhdimin e mandatit të sekretarëve të përgjithshëm dhe zyrtarëve të tjerë të lartë publik, shkruan Gazeta Blic.
Ishte pikërisht LDK e Isa Mustafës ajo e cila e kishte kritikuar ashpër në vitin 2014 qeverinë në detyrë Thaçi 2, për një praktikë të tillë të funksionimit.
Ndryshe, Ramë Manaj ishte zëvendëskryeministër nga Lidhja Demokratike e Kosovës në Qeverinë Thaçi 1.
