Peci dorëzohet para presionit publik: Anulon grantet për këshilltarin e tij dhe
Kryeministri Haradinaj reagon pas rrahjes së deputetëve, e quan agresor Frashër Krasniqin
Qeveria e Kosovës me anë të një komunikate e ka dënuar rrahjen ndërmjet deputetit të VV-së, Frashër Krasniqi dhe atij të Nismës, Milaim Zeka.
Reagimi i plotë i Qeverisë:
Kryeministri i Republikës së Kosovës, Ramush Haradinaj dhe Qeveria që ai drejton e kanë pritë me shqetësim incidentin që ndodhi në studion e TV Klanit, mes deputetëve Frashër Krasniqi dhe Milaim Zeka
Qeveria e dënon ashpër këtë akt të shëmtuar i cili ashiqare dëshmoi agresionin e pashembullt të deputetit të Lëvizjes Vetëvendosje!, Frashër Krasniqi ndaj Milaim Zekës, po ashtu deputet i Kuvendit të Kosovës.
Kryeministri Haradinaj fton të gjithë qytetarët e vendit, e veçmas zyrtarët e shtetit, përkatësisht përfaqësuesit e popullit, që të kursehen nga përdorimi i diskursit të dhunshëm, njëherësh të debatojnë në mënyrë të qytetëruar për të gjitha çështjet, duke shmangur dhunën dhe agresionin.
Qeveria e Kosovës u bën thirrje organeve të drejtësisë që të merren me këtë rast në mënyrë meritore, duke ndarë drejtësinë në mënyrë të paanshme./Express/
