Vdes mamia llapjane Sanije Topanica, iu ndihmoi grave në lindje gjatë luftës
KRU”Prishtina” bënë apel për kujdes dhe bashkëpunim me ekipet e ujësjellësit pas ngritjes së temperatuarave
Kompania Rajonale Ujësjellësit “Prishtina” sh.a., njofton të gjithë konsumatorët se për shkak të ndryshimit të temperaturave, jemi duke u përballur me shumë probleme teknike në terren. Deri më tani janë lajmëruar 53 raste të pëlcitjes së gypave të ujësjellësit në ndërtesa kolektive dhe nëpër shtëpi banimi. Të gjitha këto pëlcitje kanë ndodhur si shkak i temperaturave të ulëta që kanë mbretëruar ditë më parë, ndërsa tash me ngritjen e tyre kanë filluar të shkrihen ngricat, dhe si pasojë rrjeti i hidrantëve që ka qenë i ngrirë gjatë shkrirjes, pëlcet. Gjithashtu, gjatë ditëve të fundit ku vertikalet kanë qenë të ngrira kanë shpërthyer për shkak të bymimit të akullit (apo shkrirjes së akullit), andaj KRU “Prishtina” bënë apel që të bëhet kujdes dhe fton konsumatorët të bashkëpunojnë me ekipet e ujësjellësit të cilët kanë punuar tërë natën dhe ende janë duke punuar që këto probleme të sanohen sa më shpejt në mënyrë që kjo gjendje të kthehet në normalitet. Në rast të pëlcitjes së vertikaleve në ndërtesa të REAGOHET menjëherë me ndaljen e valvuleve tek ujëmatësi për të mos shkaktuar DËME tjera në ndërtesa, transmeton PodujevaPRESS.
KRU “Prishtina” është duke u angazhuar me të gjitha kapacitetet që qytetarët të mos kenë problem me furnizimin me ujë të pijshëm dhe të kalohet kjo situatë pas temperaturave të ulëta që kanë mbretëruar javën që lamë pas. Në ndërkohë kemi edhe rritje enorme të konsumit që vjen nga frika e konsumatorëve që janë duke i mbajtur rubinetet e hapura, me idenë që të mos vijë deri te ngrirja e tubacioneve dhe si pasojë kemi vështirësi serioze t’i mbulojmë pikat më të larta me furnizim me ujë të pijes, siç është lagjja e Vneshtave, Rruga e Ulqinit, vendbanimet e larta tek Zllatari dhe në lagjen Fidanishte, Arbëri. /PodujevaPRESS/
