E rëndë në Podujevë – 15 vjeçari ther me thikë gjyshen, ndalohet
Kosova do ta njohë shtetin e pavarur të Katalonjës si “hakmarrje” ndaj Spanjës?!
Lideri i Katalonjës, Carles Puigdemont, tha se ky rajon do ta shpallë pavarësinë brenda “disa ditëve” dhe kjo lëvizje me siguri do t’i ashpërsojë edhe më tepër tensionet edhe ashtu tejet të larta me autoritetet qendrore në Madrid.
Dhe derisa Katalonja është temë që disa ditë në mediet botërore, në rajonin tonë, Serbia po tenton me çdo kusht ta bëjë krahasimin e krahinës të Katalonjës me Kosovën. Megjithatë, reagimi i BE-së ka qenë i shpejt dhe i saktë, duke thënë se Kosova është rast “sui generis” dhe nuk mund të krahasohet me asnjë rast tjetër në botë.
Por, si do të vepronte Kosova nëse Katalonja shpall pavarësinë pas referendumit ashtu siç ka paralajmëruar lidershipi atje?
Burime të Lajmi.net brenda Ministrisë së Punëve të Jashtme të Kosovës kanë thënë sonte se Kosova mund ta njoh shtetin e pavarur të Katalonjës si kundërpërgjigje për qëndrimin destruktiv të Spanjës karshi Kosovës.
“Spanja është shteti më bllokues brenda BE-së për Kosovën. Spanja as pasaportat e Kosovës nuk i njeh, e po ashtu edhe nëpër forume të ndryshime evropiane dhe globale është paraqitur tepër destruktive dhe bllokuese ndaj Kosovës. Prandaj, duke u nisur nga një qëndrim i tillë, Kosova mund t’i kundërvihet Spanjës me njohjen e Katalonjës si shtet”, kanë thënë burime brenda MPJ-së për Lajmi.net.
Lajmi.net ka tentuar që të kontaktojë me shefin e diplomacisë kosovare, Behgjet Pacolli për të marrë një qëndrim lidhur me këto pohime, por ai ka qenë i paqasshëm në celular. Edhe zyrtar tjerë të MPJ-së nuk janë përgjigjur në thirrjet tona.
Të kujtojmë se sot eurodeputeti katalonas, Josep Maria Terricabras, ka thënë se nder njohjet e para presin edhe atë nga Kosova e nga Britania e Madhe./Express/
