Kosova kalon votimin në Komitetin e Asamblesë Parlamentare të KiE
Kosova dhe Sllovakia vazhdojnë bashkëpunimin për të gjitha fushat e interesit të përbashkët
Kryeministri i Kosovës, Ramush Haradinaj është takuar sot me shefin e zyrës sllovake, Lubomir Batary, me të cilin biseduan rreth proceseve që janë duke u zhvilluar në Kosovë, për programin qeverisës dhe për procesin e integrimeve europiane. Batary theksoi se Sllokavia do të jetë konstruktive në raport me Kosovës dhe do të vazhdojë bashkëpunimi në mes të dy shteteve edhe në të ardhmen.
Në një komunikatë për media të dërguar nga Zyra e Kryeministrit thuhet se Haradinaj gjatë këtij takimi ka theksuar se institucionet e Kosovës janë të interesuara që të vazhdojnë bashkëpunimin me Sllovakinë, në të gjitha fushat e interesit të përbashkët.
“Kryeministri Haradinaj e njoftoi Batary për proceset që janë duke u zhvilluar në Kosovë, për programin qeverisës, procesin e integrimeve europiane, duke theksuar përkushtimin e Qeverisë në avancimin e demokracisë dhe rritjen e mirëqenies për të gjithë qytetarët e vendit”, thuhet në njoftimin për media, transmeton Express.
Ndërkaq, Shefi i Zyrës Ndërlidhëse të Sllovakisë në Kosovë, Lubomir Batary, e uroi kryeministrin Haradinaj për detyrën duke thënë se Sllovakia do të jetë konstruktive në raport me Kosovën, dhe do të vazhdoj bashkëpunimin edhe në të ardhmen./Express/