Komuna e Podujevës njofton për seancën e të hënës, por nuk e përmend emrin e Shpejtim Bulliqit

Në njoftimin e bërë publik nga faqja zyrtare e Komunës së Podujevës bëhet e ditur se ditën e Hënë do të bëhet betimi dhe do të nënshkruhet deklarata solemne për marrjen e detyrës së Kryetarit të zgjedhur të Komunës së Podujevës, transmeton PodujevaPRESS.net

Por e veçanta e këtij njoftimi të bërë nga zyra për informim e kësaj komune është se askund nuk përmendet emri i Shpejtim Bulliqit si kryetar i zgjedhur i Podujevës.

Kujtojmë se kjo zyre ishte tejet e politizuar edhe më pare, sa që kishte tejkaluar kompetencat që ju lejohen si shërbyes civil duke promovuar kandidatët e Lidhjes Demokratike të Kosovës.

Për më shumë ky është njoftimi: 

NJOFTIM: Të hënën,  mbledhja solemne e Kuvendit të Komunës

Ju njoftojmë se më 07.12.2020 (e hënë), në orën 10:00, në sallën e mbledhjeve të Kuvendit në ish objektin e Komunës së Podujevës, mbahet mbledhja solemne e Kuvendit të Komunës së Podujevës.

Në këtë mbledhje do të bëhet betimi dhe do të nënshkruhet deklarata solemne për marrjen e detyrës së Kryetarit të zgjedhur të Komunës së Podujevës në zgjedhjet e jashtëzakonshme të mbajtura më 29 nëntor 2020.

Kryetari i Komunës do të mbajë një fjalë rasti.

Mbledhja mbahet duke respektuar masat sipas vendimeve dhe akteve tjera të nxjerra nga Qeveria e Republikës së Kosovës dhe rekomandimeve të IKSHPK lidhur me situatën nga Pandemia Covid-19.

https://www.facebook.com/KomunaEPodujeves/photos/a.1452355385014167/2795383067378052/