Kolona te gjata në magjistralen Podujevë-Prishtinë

Kolona të gjata të veturave tani janë bërë të përditshme dhe thuajse normale në magjistralen Podujevë-Prishtinë, transmeton PodujevaPRESS.net

Veçanërisht në orët e pasditës, radhë shumë të gjata ka tek rrethi i hyrjes në autostradën “Ibrahim Rugova”, përkatësisht në magjistralen Prishtinë – Podujevë.

Ardhja e mijëra veturave nga diaspora ka ndikuar që të shtohet edhe më tepër  fluksi në trafik.

Mirëpo punimet në zgjerimin e rrugës Podujevë-Prishtinë janë ndërprerë, edhe pse premtimi ishte nga kryeministri Albin Kurti se deri në fund të vitit 2022 kjo rrugë do të ishte e përfunduar.