Kjo është pasuria e llapjanit që u emërua në krye të Doganës?

Bahri Berisha është zgjedhur drejtor i Doganës së Kosovës. Këtë post më nuk do ta mbaj Lulzim Rafuna.

Shumë ditë nëpër media ishte raportuar se i preferuar i LDK-së ishte Agim Dibrani, një nga kandidatë për drejtor, ish-këshilltari i ministrit të Financave, Avdullah Hoti,  mirëpo, i njëjti është tërhequr në momentin e fundit nga kandidimi.

Berisha deri tani ka qenë drejtor i Zbatimit të Ligjit në Doganën e Kosovës.

Në këtë institucion punon që nga vitit 2008.

Atij edhe bashkëshortja i punon në institucione publike, por nuk ka deklaruar asnjëherë në cilin institucion saktë.

Paga e tij e deritanishme ka qenë rreth 15 mijë euro në vit, ndërsa tani do të ketë pagë mbi një mijë e 500 euro.

Berisha është nga një fshati Lluzhan, Podujevë.

Që kur ai punon në Doganën e Kosovës, është pasuruar me një banesë bukur të madhe dhe garazh në Prishtinë. Ka paguar një obligim bankar që kishte prej 10 mijë euro, dhe ka shtuar kursimet sikurse edhe bahskëshortja e tij, me të cilën ka dy fëmijë, raporton Periskopi

Në garë për drejtor të Doganës ishin Osman Ejupi, Bajram Rexha, Bahri Berisha, Hamdi Hoxha, Bashkim Arifi, Lulzim Rafuna, Ekrem Grabanica, Agim Dibrani si dhe Kujtim Qafleshi .

Ndryshe, në postin e drejtorit deri tani ka qenë Lulzim Rafuna, i cili në vitin 2013 pas përfundimit të procedurave u emërua në këtë post. Rafuna sërish kandidoi për postin të cilin e kishte 3 vite.

Dogana deri më tani ishte me ushtrues detyre, por që i njëjti nuk mund të ishte edhe drejtor, ngase nuk kishte kandiduar. Edhe ai ishte nga Podujeva.