Kjo është drejtoresha e re e drejtorisë për Kadastër dhe Gjeodezi në Podujevë

Bahrie Shatrolli në krye të drejtorisë për Kadastër dhe Gjeodezi. Kështu ka vendosur Kryetari i Komunës së Podujevës Shpejtim Bulliqi, këtë e ka bërë të ditu Fatri Zhitia nga kabineti i Kryetarit, transmeton PodujevaPRESS.net

“Kryetari Bulliqi ishte zotuar në fushatën zgjedhore që gratë do ta kenë hapësiren e nevojshme për të dëshmuar vetën me dijen dhe përgatitjen e tyre në vendimarrje. Nga qeverisja e kaluar që ishte vetëm një drejtore e një drejtorie, tash nën qeverisjen e Lëvizjes në Podujevë, nënkryetarja është grua dhe tri gra janë drejtore të drejtorive. Me vajzat dhe gratë e Llapit që kanë rol kyç në qeverisjen tonë do ta bëjmë Podujevën shembull të drejtësisë dhe barazisë në nivelin lokal. Synimi ynë është që gratë të kenë mundësinë dhe hapësiren e barabartë me burrat në shoqëri, vetëm në këtë formë shkojmë drejt barazisë gjinore e shoqërore. Zotim i përmbushur”, ka shkruar ai