Kështu duket një segment i rrugës “Zahir Pajaziti” pas mbylljes |PAMJE

Nga dita e sotme nuk do të lejohet qarkullimi i automjeteve edhe në një pjesë të rrugës “Zahir Pajaziti” në Podujevë. Sipas një njoftimi të Komunës, në këtë pjesë që qytetit do të vazhdojë ndërtimi i Bulevardit dhe sheshit të qytetit.

“Njoftojmë qytetarët e Komunës së Podujevës se për shkak të vazhdimit të realizmit të projektit ndërtimi i bulevardit dhe ‘Sheshit të Dëshmorëve’ në qendrën e qytetit, duke filluar nga data 18.02.2021 do të mbyllet për qarkullim të automjeteve edhe një segment i rrugës ‘Zahir Pajaziti’ në Podujevë”, thuhet në njoftim të Komunës së Podujevës.

“Drejtoria për Planifikim Urban dhe Mbrojtje të Mjedisit e Komunës së Podujevës njofton qytetarët se për shkak të vazhdimit të realizmit të projektit ‘ndërtimi i bulevardit’ dhe sheshit ‘Sheshi i Dëshmorëve’ në qendrën e qytetit, segmenti i rrugës ‘Zahir Pajaziti’ nga kryqëzimi i rrugës ‘Dr. Bajram Krasniqi’, kryqëzimi i rrugës ‘Ilir Konushefci’ deri te kryqëzimi i rrugës ‘Xhemajl Mustafa’, do të mbyllet për qarkullim të automjeteve duke filluar nga data 18.02.2021, deri në përfundimin e punimeve”.

Zyrtarët komunalë kanë thënë se gjatë kësaj periudhe kohore qytetarët do të mund të shfrytëzojnë për qarkullim rrugët e tjera në qytet, duke përfshirë edhe rrugën e re te Xhamia në anën perëndimore të lumit Llap.