Kërkohet dorëheqja e Drejtorit të Shëndetësisë në Podujevë

Mantel bardhët e Qendrës Kryesore të Mjekësisë Familjare në Podujevë janë duke protestuar.

Arsyeja e kësaj proteste është lirimi i pulmologut Ibrahim Hoti.

Kryetari i sindikatës, Sheqir Maliqi, ka kërkuar shkarkimin e drejtorit për shëndetësi dhe mirëqenie sociale, Driton Veliu.

Ky i fundit, të enjten e ka quajtur të papranueshme dhe aspak në përputhje me etikën profesionale sjelljen e mjekut.

Ibrahim Hoti është arrestuar të enjten mbrëma pasi në media u publikua një video ku Hoti refuzuar t’u ofrojë shërbime dy të moshuarve pas orarit të punës.

Mantel bardhët kanë filluar protestën para QKMF-së, ndërsa kanë marshuar fillimisht para Gjykatës Themelore të Prishtinës, dega në Podujevë.

Nga aty kanë shkuar para objektit të komunës, por aty nuk janë lejuar të futen brenda oborrit, vetëm një grup ka hyrë brenda objektit të komunës.