Kapet hajni në Podujevë, e vodhi me forcë çantën e një femre, brenda kishte para e stoli ari

Policia ka arrestuar personin e dyshuar për një vjedhje të rëndë që ka ndodhur në fillim të muajit gusht.

Sipas policisë, i dyshuari me forcë e ka vjedhur çantën e një femre, në të cilën kishte para, stoli ari e dokumente personale.

Pas intervistimit, i njëjti me vendim të prokurorit është dërguar në mbajtje.

Njoftimi i plotë i policisë:

Vjedhje e rënde, Rruga Vëllezërit Frashëri, Podujevë 03.08.2020 – 20:35. Me datën 28.08.2020 është arrestuar i dyshuari mashkull kosovar i cili me datën 03.08.2020 me përdorim të forcës ia kishte vjedhë çantën e dorës viktimës femër kosovare, në të cilën kishte dokumente personale, para të gatshme dhe stoli ari. I dyshuari me vendim të prokurorit është dërguar në mbajtje për 48 orë.