“Të vras”, “E han plumbin” | Çifti e kërcënojnë njëri – tjetrin
![Kadri Veseli dhe gruaja e tij Violeta në ditën e dasmës së tyre |FOTO EKSKLUZIVE](https://podujevapress.net/wp-content/uploads/2023/10/kadri-Veseli-850x560.jpg)
Kadri Veseli dhe gruaja e tij Violeta në ditën e dasmës së tyre |FOTO EKSKLUZIVE
Ish kryetari i Parlamentit të Republikës së Kosovës, Kadri Veseli është i martuar me Violeten dhe kanë 4 fëmijë, 1 vajzë dhe 3 djemë.
Kadri Veseli është dhëndërr i Llapit, bashkëshortja e tij Violeta është nga fshati Shajkofc i komunës së Podujevës.
Në një foto që është publikuar në disa portale shihet dita e dasmës së tyre.
Kadri Veseli njëherit ishte edhe kryetar i Partisë Demokratike të Kosovës (PDK), deri sa dha dorëheqje për të shkuar në Hagë pasi u ngrit aktakuzë nga Gjykata Speciale ndaj tij.
Veseli njihet si njëri nga liderët që në shumë takime ishte i shoqëruar nga bashkëshortja, Violeta.
Ja çfarë shkruanin mediat në vitin 2017 për Violetën:
Përveç se është vlerësuar si tërheqëse dhe që vishet bukur, shumë pak dihet se kush është bashkëshortja e Kadri Veselit.
Çka bën, çfarë profesioni ka, kur është martuar dhe detaje tjera. Të gjitha këto gruaja e të parit të Kuvendit i ka treguar në një intervistë ekskluzive për KosovaPress.
Që nga martesa e deri te dhurata e fundit që ia ka dhuruar i shoqi.
Vajza nga Llapi që u bë nuse Mitrovice tregon edhe për takimin e parë me burrin e saj të ardhshëm që në atë kohë e njihte vetëm me nofkën “Luli”.
Pas lidhjes , Kadri dhe Violeta Veseli janë martuar në vitin 2002 me një dasmë tradicionale me miq të shumtë, të cilët kryesisht ishin shokë të luftës të dhëndrit të ri.
Veseli: Martesa mbetet një ditë e veçantë e imja
“Kemi pasur miq të përbashkët, përmes të cilëve edhe jemi njohur edhe qysh në fillim u kriju një lidhje e fortë. Jemi martuar në vitin 2002 kemi bërë një dasëm tradicionale gjatë ditës, ndërsa në mbrëmje sigurisht me familjarët kemi pasur të ftuar miq të Kadriut që kryesisht kanë qenë edhe shokë të luftës, familje të dëshmorëve ka pasur shumë. Sigurisht kjo mbetet një ditë e veçantë e imja”, tha Veseli.
Nëna e tre djemve dhe një vajze jep gjermanisht në gjimnazin “Sami Frashëri” në Prishtinë. Arsyeja pse ka studiuar gjermanishten Violeta thotë se ia ka përmbushur ëndrrën e babait të saj.
![](https://podujevapress.net/wp-content/uploads/2023/10/Kadri-Veseli-Violeta.jpg)