Ka vdekur vajza e cila u godit nga vetura në fshatin Gllamnik të Podujevës

Një vajzë ka vdekur dje në Podujevë, pasi derisa ishte duke ecur ishte goditur nga një automjet.

Në raportin 24 orësh të policisë thuhet se është arrestuar shoferi i automjetit.

Si pasojë e lëndimeve viktima ka ndërruar jetë, vdekjen e të cilës e ka konstatuar ekipi mjekësor.

Me vendim të prokurorit, trupi i pajetë u dërgua në Institutin e Mjekësisë Ligjore për obduksion, ndërsa i dyshuari është dërguar në mbajtje.

Siç mëson PodujevaPRESS e aksidentuara e moshës 14 vjeç ishte duke kaluar rrugën ku edhe është goditur nga vetura, ku edhe ka ndërruar jetë pas pak kohe.