Ju kujtohen Gurkat Britanike, njësitë elite Nepaleze, paratrupat që hynë në Podujevë si pjesë e KFOR-it më 1999 |Video/Foto

“Më mirë të vdesësh sesa të jesh frikacak” – është motoja e ushtarëve Gurkha me famë botërore.

Gurkat rrjedhin nga një prej fiseve më të ashpra në luftë në gjithë botën. Ata janë nga Nepali të cilët asnjë herë nuk shkojnë në luftë pa “kukri”, thikën e tyre tradicionale. Ata kanë qenë pjesë e njësiteve të para speciale të cilët, në kuadër të KFOR-it kanë hyrë në Kosovë në qershor të vitit 1999.

Edhe krahas armatimit modern me të cilin janë të pajisur, Gurkat nuk përgatiten për luftë pa “kurki”, thikë e rëndë të lakuar, arma e tyre tradicionale.

Gurkat rekrutohen në moshën 18 apo 19 vjeçe dhe ushtrohen në kushte të rënda, gjatë shërbimit jetojnë me jetë shumë të disiplinuar, dhe në moshën 45 vjeçe tërhiqen nga shërbimi dhe kthehen në shtëpi.

Përndryshe, Gurkat kanë qenë prej njësiteve të para tokësore të cilët, në kuadër të KFOR-it, kanë hyrë në Kosovë, në qershor të vitit 1999 dhe janë vendosur pikërisht përballë forcave serbe, për t’i detyruar që ata të tërhiqen me dinamikë të caktuar sipas Marrëveshjes së Kumanovës.

Atëbotë, ata kanë bashkëvepruar me njësitet speciale parashutiste britanike “SAS”, në pjesën qendrore të Kosovës, duke përfshirë edhe Podujevën.