Të shtëna me armë në një lokal në Prishtinë, Policia gjen disa
Ja si i diskriminon në pagë inspektorët komuna e Podujevës (Dokument)
Në raportin e publikuar nga Auditori i Përgjithshëm, lidhur me të gjeturat në komunën e Podujevës për vitin 2017, thuhet se komuna ka probleme në kompensimin e pagave dhe buxhetimi i koeficienteve, transmeton PodujevaPRESS.com
Për kategorinë paga dhe mëditje, ndonëse ka buxhet të mjaftueshëm, thuhet në këtë raport, komuna nuk ka arritur të harmonizojë koeficientet e punonjësve që janë të lejuar me buxhet, me ata aktual. Kjo ka bërë që punonjësit të dëmtohen në pagë. Në këtë aspekt, për 14 inspektorë janë të buxhetuara paga me koeficientë 7, ndërsa 13 prej tyre paguhen me koeficientë 6; tek shërbimet kadastrale pesë pozita janë të lejuara me koeficientë 7, derisa vetëm një prej tyre paguhet me këtë koeficientë.
Në lidhje me këtë, në vitin 2016, komuna kishte marrë një përgjigje nga MAP, sipas së cilës kërkesa e komunës për ngritje të këtyre koeficienteve nuk ka bazë ligjore sepse duhej pritur që të zbatohet vendimi i Qeverisë për sistematizim. Që nga kjo periudhë komuna nuk ka ndërmarrë ndonjë hap tjetër.
Rreziku nga kjo konstaton auditori është se:
“Kompensimi jo i drejtë i punonjësve sjellë demotivim të tyre duke rrezikuar të ofroj një shërbim jo cilësor ndaj qytetarëve. Përveç kësaj komuna mund të jetë subjekt i kontesteve gjyqësore apo dhe të përballet me uljen e reputacionit të saj” përfundon raporti./PodujevaPRESS.com/