Ja si e vjelin buxhetin e Kosovës serbët e veriut duke blerë telefona mijëra euro (Dokument)

Komuna e Mitrovicës së Veriut ka ndarë një shumë të konsiderueshme të mjeteve për t’u pajisur me telefona të ‘mençur’ (smart phone).

Bëhet fjalë për hiç më pak se 9 mijë e 500 euro, që kjo komunë i ka shpenzuar për telefona mobil të markave të shtrenjta, raporton lajmi.net.

Kjo komunë për shpenzimin e 9 mijë e 500 eurove është arsyetuar se është duke e bërë për të komunikuar më më mirë me stafin.

“Kjo blerje do të kontribuojë në komunikim më të mirë të stafit dhe kështu të përmirësuar punën e Komunës së Mitrovicës së Veriut”, thuhet në arsyetim.

Fitues i këtij tenderi është shpallur kompania “N.T. INFO COM”, ndërsa kanë qenë në garë edhe 3 kompani tjera.

Kontrata është nënshkruar më herët, por tek tash e kanë publikuar në faqen e KRPP-së.

Kjo komunë nuk është e vetmja që ka shpenzuar shuma të konsiderueshme për shpenzime të luksit./Lajmi.net/