Ja kur dalin në shitje biletat për ndeshjen Kosova-Islanda, ky është çmimi i tyre

Nesër me 15 mars do të dalin në shitje biletat për ndeshjen kualifikuese për Kupën e Botës ndaj Islandës

Federata e Futbollit e Kosovës (FFK) njofton të gjithë të interesuarit se biletat për ndeshjen kualifikuese Kosovë – Islandë dalin në shitje të mërkurën, më datë 15 mars.

Po ashtu është mësuar edhe çmimi i tyre, ku bileta më e lirë do të jetë 7 euro në Tribunat E2, E3, E4, ndërsa ajo më e shtrenjtë 110 euro në Tribuna Vip.

Ndeshja ndërmjet Kosovës dhe Islandës do të luhet më 24 mars 2017, në stadiumin Loro Boriçi në Shkodër, në ora 20:45. /Express/