‘U shku me vra Ganinë’, dëshmitari rrëfen se çfarë dëgjoi në mal
Ja disa fakte interesante mbi kafenë turke
Të gjithë kemi konsumuar të paktën një herë në jetën tonë një filxhan të ngrohtë me kafe turke, e madhe ka disa prej nesh, të cilët nuk e nisin dot ditën mbarë pa e rrufitur një filxhan nga kjo kafe.
Të gjithë në shtëpitë tona kemi kafe turke të cilën me shumë dashuri dhe përkushtim prindërit tanë e pinë në mëngjes ose në mbrëmje.
Kemi degjuar aq shumë mbi kafenë turke e cila është e pranishme çdo ditë në shtëpi, por me shumë siguri nuk i dini këto “sekrete”.
Nëse mendoni se kafeja turke quhet turke sepse e ka origjinën në Turqi, gaboheni. Provat historike tregojnë se kafeja turke ka nisur të konsumohet në Jemen në shekullin e 15-ë.
Më pas ajo u përhap në Kajro dhe Mekë. Historianë të njohur tregojnë se në vitin 1640 në Kostandinopojë është hapur kafeteria e parë.
Kafeja e mirë turke dallohet tek ajka që krijohet në krye të filxhanit. Ajka e ndihmon kafenë të qëndrojë e nxehtë për një kohë më të gjatë.
Ajo është e mbushur me antioksidues, të cilët ndihmojnë në pengimin e oksidimit, proces ky që shkakton dëmtimin e qelizave dhe kontribuon në plakje.
Kafeja turke shoqërohet me një gotë ujë. Sepse uji do t’ju ndihmojë të ndjeni shijen e vërtetë të kafesë, dhe do të bëjë pastrimin e qiellzës nga llumi që ngelet në fund. Konsumimi i rregullt i saj zvogëlon rrezikun e sëmundjes së Parkinsonit.
Konsumimi i kafesë është potencialisht proaktivë kundër zhvillimit të diabetit tip 2 tek gratë në moshë të re dhe ato në moshë mesatare.
Gjithashtu, konsumimi i kafesë ul rrezikun e formimit të gurëve në veshka.
Kafeina të cilën e përmban kafeja është stimulues i njohur i trurit ku rrit vigjilencën, shton vëmendjen dhe zgjuarsinë. Një filxhan kafeje në ditë, gjithashtu mund të rritë edhe nivelin e procesimit të informatave.
Kafeja turke është vendosur në listën e trashëgimisë kulturore të UNESCO-së.
Vendimi është marrë në seancën e 8-të të Komitetit ndërqeveritar të UNESCO-s të mbajtur në vitin 2013 në kryeqytetin e Azerbejxhanit.