‘U shku me vra Ganinë’, dëshmitari rrëfen se çfarë dëgjoi në mal
Ismet Beqiri për Edi Ramën: Sa për të dhe sojin e tij kufijtë e Kosovës do të bëheshin “sallatë”
Sekretari i përgjithshëm I LDK’së, Ismet Beqiri, sot e ka komentuar takimin e djeshëm të të dy qeverive shqiptare. Ai thotë se uron që të harrohet sa më shpejtë ky takim, pasi sipas tij, Kosovës më së paku i duhet mësim nga dikush që në shtëpinë e vet i ka punët “pus”, duke folur kështu për Kryeministrin e Shqipërisë, Edi Ramën.
Beqiri në Facebook ka shkruar se sjellja e Ramës ishte arrogante, por sipas tij kjo nuk është hera e parë ai sillet dhe mbanë fjalime të tilla.
Ajo çfarë u pa nga takimi i djeshëm mes dy qeverive të Republikës së Kosovës dhe asaj të Shqipërisë urojmë të harrohet sa më shpejtë. Sjelljet dhe fjalët prej arroganti, e të papranueshme të “Padishahut” të vetëshpallur Rama, janë të tilla, sa herë vjen në Kosovë (besa edhe kur nuk është në Kosovë). Kjo nuk është hera e parë. Ata që kanë dashur ta shohin këtë, kanë mund ta shohin edhe herëve tjera”, ka shkruar Beqiri.
Ai tutje ka thënë se zyrtarët kosovarë nuk ishin në gjendje të ia thonin shumë gjëra në fytyrë Ramës, megjithëse sipas tij ai nuk ka fytyrë.
“E këtyre zyrtareve tonë, zoti iu ndihmoftë…që nuk ishin në gjendje me ia ”përplasë” në fytyrë shumë gjëra atij, edhe pse i mungon fytyra por megjithatë është dashur të flasin, por kush?!
Shpresoj që pas një dite, pasi kanë marrë pak frymë nga ”puna” e madhe që kanë bërë, i kanë pa sjelljet, fjalët, arrogancën, prepotencën. Kosovës më së paku i duhet mësim, nga ai që i ka punët PUS në shpi të vet. Sa për të dhe sojin e tij, kufinjët e Kosovës na i kishin bërë ”sallatë” “, ka shkruar Beqiri./GazetaExpress