Ish-eprori i lart i UÇK-së, ju drejtohet me letër publike Shoqatës së Veteranëve

Ish-eprori i lart i UÇK-së në Zonën Operative të Llapit, dhe në Trupat Mbrojtëse të Kosovës, Behram Behluli, sot ju është drejtuar me një letër publike Shoqatës së Veteranëve, ku ka njoftuar se nuk pajtohet me vendimin e kësaj shoqate për angazhimin e Tomë Gashit si avokat, për shkak të sjelljeve të këtij të fundit në studio televizive, njofton PodujevaPRESS.net

Behluli ka thënë se” në bazë të vlerësimit tim ,kjo nuk është duke u berë nga ana juaj ,gabimet tuaja të njëpasnjëshme duke marre vendime të pa matura ,vendime të  cilat  kane shkaktuar zbehje në opinionin publik edhe për  Shoqatën e Veteranëve ,njëri ndër ato vendime është edhe  angazhimi si avokatë mbrojtës i z.Tomë Gashi”.

Kjo është letra e plot e tij:

Letër e hapur njoftimi për Shoqatën së Veteranëve të Ushtrisë Çlirimtare të Kosovës

E nderuara Kryesi e Shoqatës së Veteranëve, ju sot po udhëhiqni një shoqatë e cila do duhej të promovoj vlerat kombëtare, të promovoj sakrificën e ish pjesëtareve të Ushtrisë Çlirimtare të Kosovës, ju  është dashtë të jeni të paret në mbrojtjen e vlerave ,mbrojtjen e figurave të Heronjve tanë ,Dëshmorëve ,Invalidëve , Martireve , është dashtë të jeni të parët për ndihmë Veteranëve në nevojë.

Në bazë të vlerësimit tim ,kjo nuk është duke u berë nga ana juaj ,gabimet tuaja të njëpasnjëshme duke marre vendime të pa matura ,vendime të  cilat  kane shkaktuar zbehje në opinionin publik edhe për  Shoqatën e Veteranëve ,njëri ndër ato vendime është edhe  angazhimi si avokatë mbrojtës i z.Tom Gashi.

Për këtë ju informoj se unë nuk mund të jem anëtar i një shoqate kryesia e së cilës vazhdimisht vepron GABIM. unë deklarohem publikisht se z.Tom Gashi nuk mund të përfaqësoj luftën time edhe nëse është avokatë i angazhuar nga JU, fjalori i tije në studiot televizive nuk lë hapësirë për të menduar gjatë se a është ky njeriu i cili duhet të përfaqësoj një shoqatë lufte ,pa dyshim se nuk është, kështu mendoj UNË!

Për ketë ju informoj juve dhe opinionin publik se unë nuk do te jem me anëtarë i Shoqatës se Veteraneve të Ushtrisë Çlirimtare të Kosovës.

Respekt për të gjithë Veteranet e Ushtrisë Çlirimtare!