Inspekcioni komunal në Podujevë prioritet taksit ilegal, “harron” të merret me ndërtimet pa leje

Me ardhjen në pushtet të Vetëvendosjes në Podujevë është pritur që edhe ndryshimet e mëdha të ndodhin, pasi që pritjet janë të mëdha, siç edhe u votua me mbi 50%, transmeton PodujevaPRESS.net

Ka disa ditë që inspekcioni komunal në Podujevë ka filluar akcionin e dënimit të qytetarëve që punojnë si taksi ilegal në drejtimin Podujevë-Prishtinë si dhe shqiptimin e gjobave për bizneset e vogla që nuk respektojnë masat antiCovid.

Por ajo më kryesorja që është pritur nga ky pushtet i ri ka qenë ndalja e ndërtimeve pa leje sidomos të atyre që objekte banesore apo edhe ato të objekteve të mëdha afariste.

Ne kemi identifikuar pas raportimeve të qytetarëve se inspekcioni spo merr masa në ndaljen e disa objekteve që nuk kanë leje, por ato vazhdojnë të punojnë normalisht.

Si duket ai pompoziteti se asgje nuk na ndalon dhe gjithçka sipas ligjit nuk po vlen për inspekcionin në Podujevë.

Disa qytetarë janë ankuar në adresën tonë se nuk po trajtohen të barabart përball pushtetit të ri.

PodujevaPRESS do të vazhdojë të monitorojë dhe të raportojë për të mirat por edhe për parregullsitë që po ndodhin tash e 20 vite në Podujevë/PodujevaPRESS.net/