Hyseni: Prioritet do jetë krijimi i Fondit Komunal për mbështetje të bizneseve në Podujevë

Kandidati i PDK-së për Podujevën, Hajredin Hyseni ka bërë me dije se prioritet do të jetë mbështetja e bizneseve të reja.

“Ndër prioritetet kryesore të punës sime që nga dita e parë do të jetë krijimi i Fondit Komunal për mbështetjen e bizneseve të reja (Startups) që hapen nga të rinjtë dhe të rejat. Idetë më të mira dhe më kreative do të kenë mbështetjen e Fondit që do të menaxhohet nga ekspertë. Jemi të vetëdijshëm se çfarë idesh të jashtëzakonshme për biznes kanë të rinjtë dhe të rejat e Podujevës”, ka shkruar ai në llogarinë e tij në Facebook.