Higuain: Dybala është shumë i ngjashëm me Messin

Sulmuesi i Juventusit, Gonzalo Higuain, e ka krahasuar bashkëlojtarin e tij, Paulo Dybala, me superyllin e Barcelonës, Lionel Messi,shkruan Telegrafi.

Ylli i Bianconerëve është bërë një prej sulmuesve kryesorë që prej se u transferua nga Palermo në vitin 2015, ndërsa ka marrë lëvdata nga bashkëkombësi i tij, i cili u transferua te Zonja e Vjetër gjatë verës së këtij viti duke thyer rekordin e transferimeve.

“Dybala dhe Messi janë shumë të ngjashëm me njëri-tjetrin. Messi është më i miri dhe e dëshmon këtë çdo ditë”.

“Paulo është ende i ri, është 23 vjeç dhe varet nga ajo që do të vijë në të ardhmen, ai i ka të gjitha karakteristikat për t’u bërë njëri prej lojtarëve më të mirë”.

“Duhet të kesh fuqi mendore, sepse kur arrin shpejt në nivele kaq të larta, nuk është lehtë të qëndrosh aty për shumë vite”./PodujevaPress/