Gruaja dhe vajza e saj dërgohen në mbajtje pas dy sulmeve fizike ndaj fqinjes në Podujevë

Një mosmarrëveshje ndërfqinjësore në rrugën “Afrim Zhitia” në Podujevë ka eskaluar në dhunë fizike, me pasojë ndalimin e dy personave.

Gazeta Sinjali mëson ekskluzivisht se rreth orës 17:00 të datës 3 qershor, ka ndodhur një përleshje ndërmjet dy fqinjeve – E.B., rreth 60-vjeçare dhe V.S., rreth 53-vjeçare. E para dyshohet se ka sulmuar fizikisht të dytën, për çka me vendim të prokurorit kujdestar, rasti u cilësua si “Sulm” dhe palët u lanë të lira në procedurë të rregullt.

Por vetëm pak më vonë, situata është përsëritur. Sapo është kthyer në shtëpi, V.S është sulmuar sërish, kësaj here nga E.B dhe vajza e saj, E.B., rreth 19-vjeçare.

Pas këtij incidenti të dytë, prokurori ka urdhëruar ndalimin për 48 orë të të dyshuarave, të cilat janë dërguar në Qendrën e Ndalimit. Rasti është nën hetim.