Ekrem Hyseni rikandidon për kryetar të Podujevës nga radhët e LDK-së

Burime të sigurta për PodujevaPRESS bëjnë të ditur se Kryetari i Degës së Lidhjes Demokratike të Kosovës (LDK) në Podujevë dhe njëherësh deputet në Kuvendin e Kosovës, dr. Ekrem Hyseni, do të jetë sërish kandidat për kryetar të Komunës së Podujevës në zgjedhjet lokale që pritet të mbahen këtë vjeshtë.

Hyseni, i cili kishte garuar edhe në zgjedhjet e kaluara komunale, kishte humbur në balotazh përballë kandidatit të Lëvizjes VETËVENDOSJE!, Shpejtim Bulliqi. Megjithatë, rikandidimi i tij konfirmon përkushtimin e LDK-së për ta rikthyer qeverisjen lokale në Podujevë.

Zyrtarizimi i kandidaturës së Hysenit pritet të bëhet publik në ditët në vijim nga strukturat qendrore të partisë.