Gjenerali McMaster, Këshilltari i ri i Presidentit Trump i frikëson serbët. Ja pse!

Këshilltari i ri për Siguri Nacionale dhe POlitikë të Jashtme i Presidentit të Amerikës, Gjenerali Herbert Raymond McMaster nuk duket të jetë edhe mik i madh i serbëve.

Kjo del nga raportimet e mediave serbe por edhe fakti që McMaster njihet si një prej kokave brilante të historisë ushtarake amerikane, me një prej librave më interesante në historinë e Amerikës rreth luftës së Vietnamit ( ‘Dereliction of Duty,’ ) dhe me plot ese e analiza ushtarake për angazhimin ushatrak amerikan përgjatë dekadave, raporton Gazeta Blic.

Kështu, në analizat brilante të McMaster vend të posaçëm ka zënë edhe angazhimi ushtarak amerikan dhe ai i NATO-s në Ish- Jugosllavi-Bosnje e Kosovë.

Gazeta Blic me këtë rast ua sjell disa mendime të McMaster rreth angazhimit të amerikanëve në Kosovë:

“Maqedonia ka bërë bazën, por nuk ishte një mjedis i qëndrueshëm, pasi që popullata lokale ndjente keqardhje me serbët, dhe ka frikë nga shqiptarët. Greqia lejoi fluturimet e aeroplanëve të NATO-s dhe mbylli linjat kritike, ndërsa francezët dhe italianët ishin të rezervuar për të gjitha veprimit e NATO-s në Jugosllavi. Planifikimi dhe sulmet në Jugosllavi filluan në maj të vitit 1998, ndërkohë që NATO ka shpërfillur faktin se rezultati i veprimit varej nga reagimi i Jugosllavisë. Çdo gjë është dashur të zgjasë pesë ditë, por e tëra mori kohë, për shkak të Sllobodan Millosheviqit “, shkruan McMaster.

Sipas tij, ish presidenti jugosllav kishte parashikuar çdo lëvizje të Aleancës Verioatlantike.

“Millosheviqi ka lëvizur ushtrinë në kufi me Kosovën, vetëm disa javë para sulmit. Kjo ushtri me fillimin e bombardimeve, nxori shqiptarët në rrugë, konfiskoi dokumentet e tyre, dogjën shtëpitë dhe i përndjekën në Maqedoni dhe Shqipëri. NATO nuk kishte besuar që do të ngjante kjo gjë- bombardimet përshpejtuan spastrimin etnik, në vend se ta ndalojnë atë”, shkruan McMaster.

Ai pokështu analizon se jo pak nga objektivat e goditura nga sulmet ajrore kanë ngjarë aksidenatlisht, dhe se Beogradi ka qenë në dijeni të lëvizjeve të Aleancës, në sajë të informatorëve.

“Serbët evakuuan objektet e tyre me shpejtësi dhe atë çdo gjë që gjetën në listën e objektivave, unë besoj se Jugosllavia kishte spiunë në radhët e NATO-s, dhe informatorët që ishin në afërsi të bazës Aviano në Itali kanë informuar sa herë avionët janë nisur për sulme. Për të gjitha këto arsye, veprimi i NATO-s ishte i pasuksesshëm sepse për 78 ditë u shkatërrua më pak se pesë për qind të sistemit luftarak të Jugosllavisë dhe gjendja e dështimit u bë e qartë vetëm pas përfundimit të fushatës, ” shkruan McMaster i cili në këtë kontekst ka analizuar edhe luftën në Bosnje e Hercegovinë./Gazeta Blic/