Gjendja e rrugës “Skenderbeu” vetëm 200 metra larg qendrës së qytetit (Foto)

Prindërit shprehin mllefin për gjendjen e rënduar të kësaj rruge dhe trotuareve të cilat po paraqesin rrezik këto ditë për fëmijët të cilët vijojnë mësimet në shkollën fillore “Ibrahim Rugova”, shkruan PodujevaPRESS.

Sipas tyre edhe pse “kjo shkollë dhe këto trotuare  nuk janë as 50 metra larg vendpozicionimit të pasijeve të kompanisë “Vaakal” e cila është e kontraktuar nga komuna e Podujevës për mirëmbajtje të rrugëve gjatë sezonit dimror”, gjendja është e tillë.

Më tej në foton e dërguar një prind shprehet “ tash po i dhezin bagerat e ora është 9, ndërsa fëmijët kanë shkuar në shkollë para orës 8 të mëngjesit”

Por, përveq trotuareve të cilët janë mbuluar nga akulli, mëngjeseve  rrezik po paraqesin edhe qentë endacak  rreth shkollës për të cilët PodujevaPress kishte raportuar ditë më par./PodujevaPRESS/