Fadil Maloku: Hipokrizia e LDK-s, brira s’ka

Sociologu Fadil Maloku , nëpërmjet një statusi në Facebook, thotë se nëpër fushata zgjedhore të përdorësh emrat e të vrarëve është poshtërsi e llojit të vet.

“T’i përdorësh (në fakt; të manipulosh në mënyrën më të paskrupullt me “vrasjet enigmatike”!) emrat e të vrarëve; si Enver Maloku, Xhemail Mustafës, Ukë Bytyçit, e Smajl Hajdarajt, e Tahir Zemajt, nëpër fushatat zgjedhore të LDK-s, pra, të përdorësh këta emra, në vazhdimësi në fushata, në stilin e “dhimbjes dhe të vajtimit”, për kinse zbardhjen e fatit të tyre, e në TË NJEJTËN KOHË të disponosh; MANDATIN qeverisës; INSTRUMENTET ekzekutive; FUQINË politike të postit të krye(ministrit) dhe KOMPETENCAT ligjore, për të kuptuar sakt, pra për të shëndritur këto raste makabre(!) ÊSHTÊ, jo vetëm HIPOKRIZI e INJORANCË, POR, edhe POSHTËRËSI e llojit të vet!”

Për shkak se, sipas tij “e njëjta taktikë, e njëjta strategji e marrjes së votave nga publiku naiv dhe sensitiv, u PROMOVUA a në të gjitha fushatat zgjedhore të pasluftës, nga “institucionalistët dhe rugovistët” e LDK-s!?”. Kurse, “Tani, Lidershipi aktual i LDK-s, sërish po e përdorë këtë metodë të animimit të elektoratit si strategji e karrem mobilizues për të mbrojtur interesat “madhore”, partiake e shtetërore të Kosoves, si edhe për të rifituar zemrat e “lënduara” nga “dhimbjet” e elektoratit! Kjo do thoshim, është një abuzim dhe një “tredhje kolektive e mendjes sonë qytetare!”, shkruan Maloku, transmeton Gazeta e Re.