A duhet ta lini boilerin gjithmonë ndezur edhe pse është i ngrohur

Shumë njerëz kanë trikat e tyre për të ruajtur energjinë elektrike, të cilat me shumë gjasë i kanë mësuar nga baballarët e tyre apo gjyshërit.

Njerëzit thonë: “Është më mirë që ta lini ngrohësin e ujit (boilerin) të ndezur gjatë gjithë kohës, në vend se ta ndizni dhe ndalni atë”.

Ky është një mit shumë i zakonshëm. Por në fakt, ju nuk keni nevojë që ta ngrohni ujin gjatë gjithë kohës.

Boileri do ta ngrohë ujin i cili është i ruajtur në të. Për aq kohë sa boileri ka një izolim të mirë brenda, ai do ta mbajë ujin e ngrohtë gjatë gjithë ditës, pa pasur nevojë që ta ngrohni atë vazhdimisht, shkruan lajmi.net.

Ju mund ta ndizni boilerin 2 orë para çdo dushi, që ta ngrohë ujin për ju. Por, nëse jeni ekonomistë, sigurohuni që boilerin ta lëshoni për disa orë natën, kur energjia elektrike është shumë më e lirë.