Eskalon Mustafa, godet kundërshtarët e tij

Kryeministri i Kosovës, Isa Mustafa ka filluar si duket të ndjej frikën pas mocionit të iniciuar nga opozita.

Gjatë ditës së sotme, Mustafa  ka nisur mëngjesin me dy statuse. Njëra për lëvdatat e punës së tij, e tjetra për mocionin, shkruan Indeksonline.

Mustafa ka thënë se nuk e ka pritur se keqpërdorimet, e aferat do t’i adresohen Qeverisë.

“Kam pritur se Mocioni i opozitës do të përmbajë diçka që kemi punuar keq apo s’kemi punuar atë që kemi premtuar. Por, se kësaj Qeverie do të tentohet ti adresohen keqpërdorimet, vjedhjet, abuzimet e aferat me të cilat asnjë vendim dhe anëtar i kësaj Qeverie s’ka të bëjë, nuk kam pritur! Asnjë mocion kundër Qeverisë nuk i shpëton ata që mendojnë të plaçkisin 30 milion euro nga Telekomi i Kosovës, ata që ia bënë shtetit faturën e pasaportave mbi 5 milion euro apo ata që shpresojnë se do ta plaçkisin shtetin edhe përmes Axosit, nëse kjo Qeveri bie” /Indeksonline/