Ekrem Hyseni reagon pas zgjedhjes se kryesuesit Hilmi Hoxha

Ish kandidati për kryetar të Podujevës nga LDK-ja Ekrem Hyseni ka reaguar përmes një statusi në facebook pas zgjedhjes së kryesuesit nga radhët e PDK-së, njofton PodujevaPRESS.

Hyseni ka shkruar se; “Marrëveshja parazgjedhore filloi së zbatuari pas zgjedhjeve, Qytetarët llapjanë nuk mund t’i mashtrosh. Mashtrimin nuk e meritojnë. Ajo që ekzistonte si marrëveshje në heshtje parazgjedhore, u bë marrëveshje në praktikë paszgjedhore”.

Sipas tij kjo marrëveshje bashkëpunimi e bashkëqeverisje, me çdo kusht për të siguruar pushtet për veti, është në interes vetëm të atyre që janë në pushtet. Fatkeqësisht, më së keqi do ta pësojnë qytetarët e komunës sonë, ngase kjo do të jetë në dëm të tyre e në dobi të pushtetarëve, ka shtuar ai.

Ky është statusi i tij:

Marrëveshja parazgjedhore filloi së zbatuari pas zgjedhjeve

Qytetarët llapjanë nuk mund t’i mashtrosh.

Mashtrimin nuk e meritojnë. Ajo që ekzistonte si marrëveshje në heshtje parazgjedhore, u bë marrëveshje në praktikë paszgjedhore.

Kjo marrëveshje bashkëpunimi e bashkëqeverisje, me çdo kusht për të siguruar pushtet për veti, është në interes vetëm të atyre që janë në pushtet.

Fatkeqësisht, më së keqi do ta pësojnë qytetarët e komunës sonë, ngase kjo do të jetë në dëm të tyre e në dobi të pushtetarëve.

Pazaret për pushtet dolën në shesh. Tashmë edhe publikisht.

Jam krenar, që si prijës i Lidhjes Demokratike të Kosovës në Podujevë qëndruam dhe do t’ju qëndrojmë besnik premtimeve e zotimeve të dhëna para secilit qytetar llapjanë, bashkërisht me asambleistët tanë.

Nuk jemi bërë, as nuk do bëhemi asnjëherë pjesë e pazareve që veç për të mirën e qytetarëve nuk janë.

Si i pari i LDK-së në Podujevë do të jemi të përgjegjshëm përballë secilit interes të qytetarëve, dhe do të përkrahim vetëm e vetëm punët e mira, nëse do të ketë të tilla, që do të jenë në funksion të së mirës së përgjithshme.

Si partia e parë do të jemi të përgjegjshëm para secilit qytetarë të komunës sonë.

I juaji, Dr. Ekrem Hyseni!