“Edhe uzurpator edhe i dhunshëm” – protestë e aktivistëve të LDK-së kundër Shpejtim Bulliqit në Podujevë

Disa qytetarë në Podujevë kanë dalë sot në protest para objektit të Komunës së tyre, në formë reagimi për sulmin fizik që kryetari komunës, Shpejtim Bulliqi ushtroi ndaj një qytetari, njëherësh zyrtar komunal.

“Edhe uzurpator edhe i dhunshëm. Stop dhunës ndaj qytetarit. Populli nuk duron dhunë”, ishin disa nga mbishkrimet që mbanin pankartat e qytetarëve.

Përpos këtyre thirrjeve që qytetarët patën para objektit komunal të njëjtit marshuan edhe nëpër qytet.

Mirëpo burimet e PodujevaPRESS tregojnë se protesta u organizua nga Lidhja Demokratike e Kosovës dega në Podujevë, dhe se protestuesit janë aktivistë të kësaj partie.