Doktori e ka një “kusht” për ti hyrë garës për kryetar të Podujevës

Ekrem Hyseni

Ditë më parë në një media doli transkripti i bisedës së zyrtarëve të LDK-së në Podujevë e ku në atë takim ishte edhe vet kreu i kësaj partie Lumir Abdixhiku, njofton PodujevaPRESS.net

Për këtë takim pati raportuar së pari PodujevaPRESS, takim i cili ka ndodh në Orllan në një restorant, mirëpo edhe pse ishin dakorduar në takim për bashkim forcash e lënje anash të hatërmbetjeve, prap pas takimi gjërat kanë shkuar jo mire.

Në këtë takim mes Agim Veliut e Ekrem Hysenit kanë qenë dy kërkesa, ajo e doktorit Hyseni se e do pozitën e kryetarit të degës dhe kandidimit për kryetar komune, kurse Agim Veliu kishte kushtin që nese duan që ai të mos jetë më në krye të degës në Podujevë, atëherë ushtrues detyre i kryetarit të LDK-së në Podujevë të jetë miku i tij Vezir Jonuzi, si dhe në rast fitorje Veziri të jetë nënkryetar, pozitat e nënkryetarëve të degës ti kenë Nexhmi Rudari dhe një mik tjetër i tij (Agim Veliut).

Kjo ka bërë që Ekrem Hyseni dhe ekipa e tij mos ta pranojnë këtë kërkesë të Veliut, pasi që ata e kanë pare këtë si qëllim për ti bërë ndërskamca vet zotit Hyseni dhe ata kanë kërkuar që nese duan që doktori të jetë kandidat për kryetar komune ai të jetë edhe kryetar dege. Por kjo spo pranohet deri më tani nga Agim Veliu.

Para disa ditësh vetë zoti Hyseni ka deklaruar në media kur u pyet se a është vendosur definitivisht që ai të hyjë garës për të parin e Podujevës?

“Jo jo, nuk ka asgjë të vërtetë. Ajo fotografi që ka qarkulluar muajin e kaluar në media ka qenë në një iftar. S’ka asgjë zyrtare. Dega po punon maksimalisht në këtë drejtim, por që deri tani s’ka diçka që mund të thuhet me siguri”, ka thënë Hyseni.

Një burim i ka thënë PodujevaPRESS-it se nëse Ekrem Hyseni nuk pranon të hyjë në garë për kryetar komune alternative mbetet Vezir Jonuzi.

Kujtojmë se partia më e vjetër në Kosovë humbi zgjedhjet në komunë në vitin 2020, pas dorëheqjes së Agim Veliut, i cili në fillim të vitit të kalular, mori drejtimin e Ministrisë së Punëve të Brendshme, për ta çuar komunën në zgjedhje, zgjedhje këto që shpallën fitues kandidatin e VV-së, dikur ish-anëtarin e LDK-së, Shpejtim Bulliqi./PodujevaPRESS.net/