Të shtëna me armë në një lokal në Prishtinë, Policia gjen disa
Daçiq e zbulon publikisht si duhet ta përfitojë Serbia Amerikën kundër Kosovës
Ministri i Jashtëm i Serbisë, Ivica Daçiq, ka thënë se është e rëndësishme për vendin e tij që të ketë komunikim të drejtpërdrejtë me presidentin e Shteteve të Bashkuara të Amerikës, Donald Trump.
Sipas tij, Serbia do ta humbë një shans të madh, nëse nuk arrin të vërë një komunikim të këtillë me numrin një të Amerikës.
“Serbia mund të ketë marrëdhënie me të mira me Amerikën, vetëm nëse përqendrohet tek Trump dhe administrata e tij”, ka thënë Daçiq për “Pink”.
“Pra, duhet të komunikojë me Tillersonin (sekretarin e Jashtëm) dhe me Pence (zëvendëspresidentin), e jo me Departamentin e Shtetit, sepse në Departamentin e Shtetit punojnë ende njerëz që kanë ndikuar në ngjarjet e 20-30 viteve të fundit”, ka nënvizuar kryediplomati serb, transmeton Gazeta Express.
“Ata nuk do ta ndryshojnë mendjen për asgjë. Ata vazhdojnë të mendojnë se gjithçka është e drejtë, dhe nëse diçka nuk bëhet tani në raport me presidentin amerikan, unë mendoj se ne do ta humbim një shans të madh”, ka thënë Daçiq.
Ai po ashtu ka vlerësuar se është e rëndësishme për Serbinë që të mbajë kontakte personale, që sa më shumë njerëz të vizitojnë Serbinë, dhe që të mbajë kontakte me vendet e tjera dhe që udhëheqësit serbë t’i vizitojnë këto vende. /Express/