Çmenden mediet serbe, shkruajnë se Llapi po i fton tifozët shqiptarë të bashkohen për të krijuar kaos në ndeshjen e kthimit

Llapi të enjten që lamë pas zhvilloi ndeshjen e parë në Conference Leagu ku u ndesh me malazezët e Buducnostit.

Skuadra shqiptare nuk u prit aspak mirë nga tifozët vendas të cilët përveç fyerjeve raciste, ata edhe hodhën gjësende te forta në drejtim të bankinës së Llapit, shkruan Demokracia.com.

Ekipi i Tahir Batatinës u mposht me rezultat 2:0, megjithatë ai po beson se ky avantazh i malazezëve mund të përmbyset në ndeshjen e kthmimit, por që u ka bërë thirrje gjitha grupeve të tifozëve të vijnë në stadiumin “Fadil Vokrri” për t’i mbështetur “Legjendat” në mënyrë që të krijojnë ë një atmosferë sa më të mirë në stadium.

Kjo gjë sipas mediave serbe, që gjithmonë vetëm shpikin situata, është konsideruar si thirrje për sulm ndaj ekipit kundërshtar.

“Skandaloze, klubi shqiptar i thërret gjithë tifozët të bëhen bashkë për të krijuar kaos në ndeshjen e kthimit”, është titulli i portalit nacionalist serb Kurir.

“Ata kanë liruar edhe biletat vetëm që numri I tifozëve të jetë më i madh në mënyrë që ta përmbysin kundërshtarin”, vazhdon ky portal i cili njihet për shkrimet skandaloze që bënë kundër Republikës së Kosovës.

Gjithsesi, ndeshja Llapi – Buducnosti luhet të enjten në stadiumin “Fadil Vokrri” në Prishtinë dhe aty pritet të jetë një atmosferë festive. /Demokracia.com

Artikulli paraprakAksident i rëndë në fshatin Vranidoll |FOTO
Artikulli tjetërBatatina: Rreth 11 mijë tifozë pritet t’i kemi në “Fadil Vokrri”, nuk do të ketë incidente